CAMPUS SEMANA SANTA CARRAL XACOBASKET
DESCRICIÓN
O proxecto Xacobasket inicia a súa andaina coa celebración da 1ª edición do Campus Semana Santa Xacobasket na localidade de Carral.
Esta primeira edición está dirixida a nenas e nenos nadas/os entre os anos 2012 e 2006 e ten como obxecto a iniciación e o perfeccionamento daqueles/ as deportistas participantes a través de adestramentos adaptados a cada unha das idades.
Todas as sesións estarán dirixidas por adestradoras e adestradores con titulación específica, os cales desenvolverán a programación lúdico-deportiva desenvolta para este magnífico evento.
Outro dos obxectivos de Xacobasket Semana Santa é conciliar a vida familiar e laboral ofrecendo ás familias a posibilidade de manter aos/as novos deportistas inmersos nun ambiente deportivo e social inmellorable durante tres días en xornadas de mañá e tarde interrompidas unicamente polos descansos motivados pola toma dun tentempié a media mañá, a comida do mediodía e a merenda.
Todas/os deportistas fóra dos residentes en Carral acudirán ás instalacións deportivas en autobuses desde A Coruña e Oleiros, recollendo aos mesmos en dúas paradas establecidas para o efecto situadas en:
A Coruña………………………… Igrexa de San Pedro de Mezonzo
Recollida de deportistas ás 8:30
Chegada 20:00 (aprox.)
Oleiros……………………………. Parada de taxis de Sta Cristina
Recollida de deportistas ás 8:15
Chegada 20:15 (aprox)
DATAS E HORARIOS
15, 16 e 17 de Abril de 2019
Sesións de adestramento ( aprox.):
De 9:00 a 11:00
De 11:45 a 13:30
De 16:30 a 17:45
De 18:00 a 19:00
Petisco de media mañá:
De 11:00 a 11:30
Comida:
De 14:00 a 15:30
Merenda:
De 17:45 a 18:00
LOCALIZACIÓN
Pavillón Municipal de Carral (Colexio)
TARIFAS E INSCRICIÓN
Deportistas con transporte e comida (autobús diario ida e volta):
130€
Residentes en Carral e arredores con comida:
90€
En ambos os casos as merendas e petiscos van incluídos no prezo.